" Retos de Golfi "

Este ano, dende a biblioteca incorporamos unha nova proposta que tivo moi boa acollida polo alumnado do centro. "Os retos da casa de Golfi". Con estes retos pretendiamos traballar a responsabilidade no alumnado, ao mesmo tempo que traballamos a lectura, a escritura, a atención e a lectura de imaxes.

O martes de cada semana, o alumnado tiña que dirixirse ó recanto dos retos da casa de Golfi que estaba ubicado na nosa biblioteca de centro, coller o novo reto semanal, resolvelo e co seu carnet, selar o reto correspondente ata cumplimentar todo o carnet.

Foi unha tarefa moi interesante e divertida. E Golfi, a nosa mascota, deixounos unha mensaxe secreta para os que conseguiron selar todos os retos.

 

  

 

" Día das letras galegas "

Este ano, para conmemorar o Día das Letras Galegas co que se homenaxeou a Begoña Caamaño, enchemos a entrada do centro con diferentes xogos e recursos distribuidos por recantos de robótica, quebracabezas, labirintos, pasapalabra, preguntas e respostas e creación de historias. Durante estas últimas semanas os nenos e nenas cos seus titores/as puideron disfrutar desta zona e aprender xogando sobre as Letras Galegas e Begoña Caamaño e así foron pasando en pequenos grupiños polos diferentes recantos ata chegar ao recanto final no que puideron recoller o seu agasallo … unha fermosa pegatina conmemorativa!

 

 

" Concurso de banda deseñada "

Este ano, para favorecer o desenvolvemento e a creatividade do noso alumnado, dende a biblioteca escolar decidimos crear o noso primero concurso de banda deseñada do CEIP A Guía. O alumnado tiña que cumplir unha serie de requisitos para confeccionar a sua historia pero a temática era completamente libre. Cada titoría recopilou os traballos da sua aula colocando un número para poder identificalo , asegurando o anonimato do mesmo, e o valorase o xurado. Este xurado  estivo composto por 6 mestras do centro que tiveron unha tarefa moi complexa debido a alta participación e implicación do alumnado.

Foi unha tarefa moi divertida e interesante que continuaremos realizando dende a biblioteca.

 

 

" Recomendacións lectoras para o Nadal"

 

" OBRADOIRO DE ANIMACIÓN Á ESCRITA "

Este ano comezamos a encher a nosa biblioteca de aula con moitos tipos de libros: banda deseñada, libros de ficción, literatura, poesía, investigación...

E comezamos a investigar as diferentes profesións que están agochadas tras os libros: tradutores, autores/as, ilustradores/as, editores/as, correctores/as...

Así que fixemos un pequeno obradoiro de animación á escrita para transformar a nosa aula nunha pequena editora e agora fabricamos os nosos propios libros!!!

Xa queda menos para poder lelos!!!

" Recomendacións lectoras"

 

" Torneo de Xadrez"

 No cole, estes días estase a celebrar un torneo de Xadrez. Todos e todas os interesados e interesadas poden participar, dende os mais cativos e cativas ata os mais maiores. A final levarase a cabo na última semana de xuño. A verdade que tivo unha moi boa acoñida dito torneo😄.