" OBRADOIRO DE ANIMACIÓN Á ESCRITA "

Este ano comezamos a encher a nosa biblioteca de aula con moitos tipos de libros: banda deseñada, libros de ficción, literatura, poesía, investigación...

E comezamos a investigar as diferentes profesións que están agochadas tras os libros: tradutores, autores/as, ilustradores/as, editores/as, correctores/as...

Así que fixemos un pequeno obradoiro de animación á escrita para transformar a nosa aula nunha pequena editora e agora fabricamos os nosos propios libros!!!

Xa queda menos para poder lelos!!!

" Recomendacións lectoras"

 

" Torneo de Xadrez"

 No cole, estes días estase a celebrar un torneo de Xadrez. Todos e todas os interesados e interesadas poden participar, dende os mais cativos e cativas ata os mais maiores. A final levarase a cabo na última semana de xuño. A verdade que tivo unha moi boa acoñida dito torneo😄.

" Día do libro "

Hoxe celebramos o día do libro no centro cunha visita moi especial. A visita de Blanca Trillo, que nos veu presentar o seu primeiro libro " La aventura junto al lago". Ademais o alumnado de educación infantil elixiu os libros para facer os apadrinamentos lectores co alumnado de primaria e pasar un momento agradable gozando da lectura e transportándonos a novos lares.

Foi unha actividade moi divertida, e sobre todo, con moita ilusión para o alumnado , pois gozaron da sabiduría das palabras. Moitas grazas a Salvador, papá de Hugo e Raquel por facilitarnos dita visita.

 

  

" Equipo de expertos "

 No obradoiro deste mes formamos equipos especializados nun dos xogos da biblioteca.

Primeiro escollemos un xogo, lemos as instrucións, aprendemos as regras  e por último, elaboramos uns carteis cos nosos nomes e o xogo no que nos especializamos.

Deste xeito, os nenos e nenas que visitan a biblioteca, poden solicitar a nosa axuda, se teñen dúbidas sobre o funcionamento destes xogos.

" Fuera de aquí, horrible Monstruo verde "

Para a Semana do Día do Libro, os nenos e  nenas da aula "Teatro de Animais", prepararon unha películo do libro "¡Fuera de aquí, horrible Mounstruo Verde!". Aquí vos deixamos un vídeo de como o fixeron e outro co resultado final. Agardamos que vos guste!!

" The very hungry caterpillar "

 Na clase de Inglés celebramos o Día Internacional do Libro Infantil e Xuvenil co alumnado de Educación Infantil.

Fixemos o contacontos de "The very hungry caterpillar" de Eric Carle, tamén vimos o vídeo en Inglés do conto e realizamos unha actividade.